Manchester United-venjarin José Mourinho ætlar sær at byggja upp sítt nýggja lið um metkeypið Paul Pogba.
– Eg veit ikki akkurát hvar hann leikti. Tá ið ein leikari sleppur at leika sum hann ger, ert tú bundin av eini ávísari organisering um hann. Pogba má sleppa at gera sum hann vil. Sjálvandi skal hann eisini vera meira displineraður í eini 2-0 leiðslu og tað eru tíggju minuttir eftir, men sum týpa er hann ein leikari sum má hava frælsi, segði Mourinho eftir 2-0-sigurin á Southampton í gjár.
Enskir miðlar spara ikki uppá krútið eftir at Zlatan Ibrahimovic (34) skoraði tvey mál í fyrsta dystinum á Old Trafford.
- Wayne Rooney er í heiminum hjá Zlatan nú. Og í heiminum hjá Zlatan er tað bara ein maður sum tekur brotsspørkini. Her er eitt tips: Tað er ikki Rooney, skrivar tann viðurkendi fótbóltsviðmerkjarin Martin Samuel í Daily Mail.
Um tú veitst okkurt, sum VP ikki veit - skriva so til vp@vp.fo