Semjast londini, sum veiða norðhavssild, ikki áðrenn nýggjár um býtið, so hongur MSC góðkenningin í klønum tráði. Tað hava londnini fingið at vita Marine Stewardship Council, skrivar miðilin Seafoodsource á netinum.
Noreg, Ísland, ES, Føroyar, Russland, Grønland og Stórabretland fiska sildina, men ongin munadygg avmarking er galdandi, og í fleiri ár er ov nógv fiskað. Bara í fjør fór samlaða veiðan uppum tað, sum ráðiligt er, við nærum einum triðingi. Og mangt bendir á, at støðan verður hin sama í ár.
Skulu strandalondini vera innanfyri tað, sum ICES hevur mælt til, so skulu tey minka um veiðuna, sigur MSC.
Um tú veitst okkurt, sum VP ikki veit - skriva so til vp@vp.fo