Nýggi Dettifoss kom á Havnina tíðliga í morgun.
Ólavur Frederiksen tók nakrar framúr góðar dronumyndir.
Skipið, sum er systirskip við Brúarfoss og Tukuma Arctica, er 178 metrar langt og 31 metrar breitt. Skipið lastar 2.150 TEU.
Øll trý skipini eru bygd á Guangzhou Wenchong skipasmiðjuni í Kina. Í november mánaða fara tey trý skipini eftir ætlan í samsigling millum evropiska meginlandið, Føroyar, Ísland og Grønland.
Hetta er samstarv millum Faroe Ship, Eimskip og Royal Arctic Line. Vit ynskja Dettifoss, sum hevur heimstað í Tórshavn vælkomnum.
Um tú veitst okkurt, sum VP ikki veit - skriva so til vp@vp.fo