Ein lasbilur hevur mist stórar nøgdir av sild á vegin í Leirvík.
Politiið sigur við VP, at vegurin er fyribils stongdur. Talan er sum skilst um vegastrekkið av havnarlagnum, har Tavan er, og niðan ímóti tunlinum.
Hvussu nógv, talan er um, veit vakthavandi ikki at siga sum er, men hann sigur, at talan er um stórar nøgdir. Hann væntar, vegurin verður stongdur í ein tíma ella so.
Jacob Fuglø Jacobsen tók myndirnar.
Um tú veitst okkurt, sum VP ikki veit - skriva so til vp@vp.fo



