(tilvildarlig mynd úr savninum)
(tilvildarlig mynd úr savninum)
Nú krevst loyvi at fiska hummara - eisini til húsbrúks. Tað er ásett í nýggjari kunngerð, sum kom í gildi á nýggjárinum.
Óskipað hummaraveiða til húsbrúks hevur vundið uppá seg í seinastuni, og tað er vinnuliga fiskiskapinum til ampa. Óskipað hummaraveiða gagnar hvørki hummarastovninum ella teimum, sum fiska hummara, hevur Hummarafelagið áður víst á.
- Nú eru reglurnar broyttar soleiðis, at skalt tú fiska hummara á vanligu hummaraleiðunum, krevst loyvi – eisini tá fiskað verður til húsbrúks, skrivar Fiskimálaráðið á heimasíðuni. Loyvini eru avmarkað til tey, ið eftir verandi reglum hava rætt til hummaraloyvi. Eingi nýggj loyvi verða latin afturat teimum, sum hava verið í skipanini seinastu árini.
Í kunngerðini, sum nú er lýst, eru eisini nýggjar reglur um at flyta hummaraloyvi millum bátar, umframt regla um, hvussu leingi hummararúsur kunnu standa.
Um tú veitst okkurt, sum VP ikki veit - skriva so til vp@vp.fo
