Tórshavnar kommuna: Í dag vitjaði nýggi íslendski aðalkonsulin í Føroyum, Ágústa Gísladóttir, innar á gólvið á Ráðhúsinum, har hon og Heðin Mortensen, borgarstjóri, fingu eitt gott prát um samskifti og samvinnu millum londini bæði og serliga høvuðsstaðirnar.
Aðalkonsulát Íslands lat upp í Føroyum 1. apríl 2007. Aðalkonsulátið veitir kunning og tænastu, og hjálpir íslendskum ríkisborgarum og fyrirtøkum í samskifum við myndugleikarnar, gevur upplýsingar um Ísland, umframt at taka lut í framløgum og tiltøkum, sum eru til gagns fyri land og tjóð.
Um tú veitst okkurt, sum VP ikki veit - skriva so til vp@vp.fo