Hugskotið hjá amerikanska forsetanum Donald Trump um at keypa Grønland frá Danmark var ikke bara eitt brádligt hugskot.
Tað skriva rithøvundarnir í eini nýggjari bók um forsetatíðina hjá Donald Trump.
Í bókini skriva høvundarnir, at embætisfólk hjá stjórnini hjá Donald Trump arbeiddu við hugskotinum í fleiri mánaðir, áðrenn tað kom fram í miðlunum á heysti 2019.
Millum annað skriva høvundarnir, at amerikansku embætisfólkini høvdu loyniligar fundir við danska sendimannin í Washington og høvdu orðað eitt upprit um, hvussu málið kundi avgreiðast.
Tann danska stjórnin avvísti beinanvegin hugskotið, tá ið tað gjørdist kent í eini grein í Wall Street Journal.
Donald Trump verður eisini spurdur í bókini, og hann sigur um donsku avvísingina, at Danmark gjørdist fjálturstungið av almennu umtaluni:
- Tá ið málið gjørdist alment, misti Danmark sítt politiska mót, sigur fyrrverandi forsetin.
Um tú veitst okkurt, sum VP ikki veit - skriva so til vp@vp.fo