Ein nýggj frágreiðing, sum tankasmiðjan European Council on Foreign Relations hevur gjørt vísir, at kríggið í Ukraina hevur sameint vesturheimin og styrkt stuðulin sum europearar eru sinnaðir at veita Ukraina fyri at taka land sítt aftur.
Semja valdar ímillum londini í vesturheiminum um, at tað er onki alternativ til, at Ukraina vinnur kríggið. Summi av limalondunum í ST halda tó, at kríggið eigur at enda her og nú, hóast tað merkir, at Ukraina má lata ein part av teimum umráðum frá sær, sum Russland hevur tikið.
Seinni í vikuni skulu 191 lond atkvøða í ST um fleiri tiltøk skulu setast í verk ímóti Russlandi. ST hevur tvær ferðir við stórum meiriluta ímillum limalondini fordømt russiska álopið á Ukraina.
Um tú veitst okkurt, sum VP ikki veit - skriva so til vp@vp.fo