Vit ávirka ikki vindættina, men kunnu ofta seta seglini til rætta kós
- Dolly Parton

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Vinna

Fiskaaling: Teitur Bendtsen hevur vart sína BSc ritgerð “Litbroyting hjá rognkelsum og teirra val av skjól-liti”.

Í verkætlanini hevur Teitur Bendtsen kannað hvørt rognkelsi skifta lit, fyri at tilpassa seg litin av skjólum, tey hava atgongd til. Harumframt hevur hann í aðrari roynd kannað, um rognkelsi mest tekkjast ávísum liti av skjóli.

Niðurstøðan er, at rognkelsi broyta lit longu eftir einum degi. Týðiligasta broytingin er, at tey verða ljósari í ljósum skjólum og myrkari í myrkum skjólum. Harumframt kunnu munir síggjast á bæði littóna og hvussu bjartur liturin er alt eftir lit á skjóli, og eisini hvar á fiskinum tú hyggur. Harumframt var niðurstøðan eisini tann, at rognkelsi vilja heldur sita á svørtum ella reyðum skjólum enn øðrum litum, og tey vilja helst ikki sita á hvítum og bláum skjólum.

Teitur Bendtsen vísir á, at reytt ljós ikki røkkur serliga langt niður í dýpið. Tískil kann tað vera, at rognkelsi velja reyð og svørt skjól, tí teimum tørvar ikki at tillaga sín lit eins nógv til hesi skjól. Somuleiðis líkjast svart og reytt eitt sindur brúntara. Rognkelsi eru ofta at finna í tara í náttúruni.

Verkætlanin varð gjørd í samstarvi við P/F Fiskaaling, og varð praktiski parturin framdur í Nesvík. Vegleiðarar vóru Ása Johannesen, granskari á Fiskaaling, og Eyðfinn Magnussen, lektari í lívfrøði á Náttúruvísindadeildini.

Um tú veitst okkurt, sum VP ikki veit - skriva so til vp@vp.fo