Politikkur
Nýggjasta Spyr.fo kanningin hjá Blaðnum Vikuskifti, sum var gjørd mikudagin, vísir, at meðan Fólkaflokkurin gongur fram, so gongur Javnaðarflokkurin aftur.
Blaðið Vikuskifti skrivar, at í Spyr.fo kanningini í desember var Fólkaflokkurin heilt niðri á 15,2 prosentum, og var tann minsti flokkurin av teimum fýra stóru. Ein kanning, sum Spyr.fo gjørdi fyri in.fo beint eftir nýggjár gav flokkinum enn verri úrslit – tá fekk listi A bara 13,3 prosent av atkvøðunum.
Men nú hevur Fólkaflokkurin tikið seg upp um aftur Tjóðveldi og Sambandsflokkin við 18,5 prosentum og seks tingfólkum, skrivar Blaðið Vikuskifti.
Um tú veitst okkurt, sum VP ikki veit - skriva so til vp@vp.fo
