MEST bjóðar nú smærri skipum og tvíkiljum umvælingar í góðum innandura umstøðum á skipasmiðjuni í Havn.
Høll 2 er dagførd og nýggjar størri hurðar settar í – eins og sunnara beding er dagførd við einum nýggjum vogni til smærri skip.
Nýggi vognurin á bedingini ger tað sera ómakaleyst at koyra skipið ella tvíkiljuna beinleiðis av bedingini og inn í høllina.
Bátar og skip, sum hava eina breidd upp í 10 metrar kunnu koma inn í høllina, sum er 30 metrar til longdar.
Innandura eru umstøðurnar góðar at sandblása, metalisera og mála skip ella tvíkiljur – eins og gera vanligar umvælingar. Í høllini eru stórir traverskranar, sum ger tað lætt at skifta eitt nú motorar.
Høllin er klár at taka í nýtslu í hesu vikuni, sigur MEST.
Um tú veitst okkurt, sum VP ikki veit - skriva so til vp@vp.fo