Politikkur
Forsetin í USA Joe Biden og forsetin í Russlandi Vladimir Putin fara at hava nýggjan fund til tess at finna eina loysn á Ukraina-kreppuni.
Tað er forsetin í Fraklandi Emmanuel Macron sum hevur boðið pørtunum til toppfundin, skrivar Reuters.
Fundurin verður eftir 24. februar, treytað av at Russland ikki ger innrás í Ukraina, vísir forsetaskrivstovan hjá Macron á.
Evnini á fundinum verða fyrireikað av uttanríkismálaráðharrunum báðum Antony Blinken og Sergej Lavrov.
Franski forsetin hevði tvær telefonsamrøður við Putin í gjár. Í USA avlýsti Biden ferð til heimstatin Delaware uttan at siga hví, skrivar VG.
Um tú veitst okkurt, sum VP ikki veit - skriva so til vp@vp.fo
