Onnur tíðindi
Í samband við nýggju verkætlanina hjá SEV um at byggja eitt vind-pumpuverk í Vestmanna skal nýggjur vegur gerast niðan í dalin.
Tað kom fram á ástaðarfundi í Vestmanna herfyri.
Við blaðið Vikuskiftið sigur Dávur Reinert Hansen, verkætlanarleiðari, at tað er tí at ferðslan til og frá staðnum í samband við arbeiðið verður ov tung til verandi veg, at ein heilt nýggjur vegur skal gerast.
- Ikki bara fyri at fáa stóru mongdina av gróti oman, men eisini fyri at flyta tilfarið niðan, sum skal brúkast í verkinum. Í summum førum er talan um rættiliga stórar og tungar lutir, sum skulu fáast niðan, sigur hann.
Um tú veitst okkurt, sum VP ikki veit - skriva so til vp@vp.fo
