Nógv hugsa, at vit við 2020 eru farin inn í eitt nýtt áratíggju. Men tað eru vit ikki fyrr enn næsta ár, sigur matematikkin.
Tað er ikki øðrvísi enn við aldarskiftið - tá nógv varð gjørt burturúr øllum nullunum. Men so var tað onkur klókur sum oyðilegði alt og minti á, at tað er ikki fyrr enn árið eftir at hol verður sett á nýggja øld - og sama er galdandi fyri áratíggju.
Tað er kanska eitt sindur nørdut, og í veruleikanum kunnu fólk halda tað tey vilja, men stutta frágreiðingin er, at gregorianski kalendarin, sum vit brúka, byrjaði ikki ár 0 men ár 1 tá Jesus varð borin í heim. Tí byrjaði fyrsta árattíggju ár 1 og endaði ár 11. Altso ár 11 hoyrdi uppí, og soleiðis hevur tað verið síðani.
Um tú veitst okkurt, sum VP ikki veit - skriva so til vp@vp.fo
