Vit ávirka ikki vindættina, men kunnu ofta seta seglini til rætta kós
- Dolly Parton

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Politikkur

Sólvit E. Nolsø, landsstýrismaður í almannamálum, hevur valt nýtt umboð í Demokratia. Talan er um Róa B. Poulsen, sum avloysir Joan Samuelsen, ið umboðar Fólkaflokkin.

At valið fall á ein mann, fylgir ásetingunumr í javnstøðulógini um, allar almennar nevndir, ráð, umboð og líknandi skulu vera sett soleiðis saman, at umleið eins nógvir limir av báðum kynum hava umboðan.

Nevndin, sum nú situr, varð mannað 11. mars 2020, og hevur skipað seg við Kristinu Gry Berg. sum forkvinnu, og Ólavi í Geil, sum næstformanni. Hinir limirnir eru Maud Poulsen, Petur Matrin Hansen, Andrias Jacobsen, Dorit Hansen, Marna Jakobsen, Helena Fríðheim og  Anita Fuglø.

Mannagongdin er, at nevndin fyri Demokratia verður vald eftir tilmæli beint eftir løgtingsval fyri alt tað valskeiðið, sum Løgtingið situr. Umboð, ið hava sitið fyrr, kunnu veljast aftur.

Demokratia hevur til endamáls at virka fyri at fáa javnari og øktari kynsumboðan í politikki, bæði á Løgtingi og í kommunustýrum kring landið. Fyri at stuðla undir hesum, verður skipað fyri tvørpolitiskum tiltøkum. Eitt av málunum er at virka fyri, at umboðanin samsvarar á leið við umboðanina í hinum Norðurlondum.

Í nevndini fyri Demokratia sita umboð úr hvørjum flokki á Løgtingi, eitt umboð fyri Kommunufelagið, eitt umboð fyri Kvinnufelagssamskipan Føroya og eitt umboð fyri Javnstøðunevndina.

Um tú veitst okkurt, sum VP ikki veit - skriva so til vp@vp.fo