Sambært KVF so er talan um 32 broytingaruppskot í sambandi við fíggjarlógina, har andstøðan eigur tey 31, meðan samgongan eigur 1.
VP hevur leysliga hugt at hvussu hesi broytingaruppskotini fara at ávirka úrslitið á fíggjarlógini, og sambært tí útrokningini, so gevur broytingaruppskotið hjá samgonguni eitt yvirskot á 38 milliónir krónur.
Taka vit so broytingaruppskotini hjá andstøðuflokkunum, so verður talan um undirskot á fíggjarlógini.
Broytingarupppskotini hjá Javnaðarflokkinum geva eitt undirskot á 62,7 milliónir krónur.
Broytingaruppskotini hjá Tjóðveldi geva eitt undirskot á 165,65 milliónir krónur.
Og broytingaruppskotini hjá Framsókn geva eitt undirskot á 94,9 milliónir krónur.
Um tú veitst okkurt, sum VP ikki veit - skriva so til vp@vp.fo
