Danski verjumálaráðharrin, Trine Bramsen, er í sóttarhaldi, tí hon hevur verið nær einum persóni sum er smittaður við Omikron. Tí kemur hon ikki til Føroya í morgin, sum annars var ætlanin. Her skuldi hon hitta landsstýrismannin í uttanríkismálum, Jenis av Rana. Tey bæði skuldu umrøða radaran, sum danir og Nato vilja byggja á Sornfelli.
Hetta er fjórða ferðin at Trine Bramsen hevur verið á veg til Føroya, men hvørjaferð er tað blivið avlýst.
Uttanlandsnevndin hjá Løgtinginum hevur fund um radaran í morgin, har skal Jenis av Rana eftir ætlan ráðføra seg áðrenn fundin við Trine Bramsen, sum kortini nú verður av ongum.
Um tú veitst okkurt, sum VP ikki veit - skriva so til vp@vp.fo