Bakkafrost boðaði í gjárkvøldið marknaðinum frá um ætlanirnar hjá landsstýrinum um størri tøkugjald. Partabrævið fellur góð 5%, men tað er ikki øll søgan, tí partabrøv sum heild fella nógv í virði.
Seafood vísitalið á Oslo børsi, har Bakkafrost er skrásett, og har norskar alifyritøkur mynda vísitalið, fellur eisini við somu stødd, so tað ber ikki til at siga, hvørja ávirkan ætlanirnar at skatta alivinnuna meira hava á kursin.
Eisini onnur vísitøl fella tungt, og sagt verður, at orsøkin fyrst og fremst er fjáltur á íleggjarum sum stúra fyri alsamt hækkandi rentum og sonevnda jobtalinum sum sigur, hvussu nógv fleiri arbeiðspláss eru skapt í heimsins størsta búskapi, tí amerikanska.
Um tú veitst okkurt, sum VP ikki veit - skriva so til vp@vp.fo
