Útlendis ítróttur
Pep Guardiola og Manchester City hava ikki fingið tey best úrslitini í seinastuni, og eftir 4-0-tapið móti Everton eru tað fleiri sum hava sett spurnartekin við spanska suksessvenjarin.
Mett var at City fór at liggja í kappingini um fyrsta plássið hesa sesongina, men eftir 21 dystir liggur Manchester City ikki millum topp-fýra í Premier League.
- Eg skilji ikki vantandi respektina fyri leikarunum, tí teir eru professionellir, og enn siga fólk, at teir eru ikki nóg góðir til mín. Kanska eri eg ikki nóg góður til teir, sigur Pep Guardiola sambært SkySports.
Manchester City tekur í dag móti stórspælandi Tottenham.
Um tú veitst okkurt, sum VP ikki veit - skriva so til vp@vp.fo
