Partafelagið Jupiter við heimstaði í Kollafirði hevði 70 mió kr í vinningi í fjør.
Jupiter hevur fiskiskap sum sítt høvuðsvirksemi.
Úrslitið í fjør er merkisvert, tí tað skal samanberast við 7,2 mió kr árið frammanundan og er annars sprottið úr einum bruttovinningi á smáar 30 mió kr.
Men felagið fekk eftirgivið skuld á 80 mió kr í fjør, og henda upphædd er tí inntøkuførd og er orsøk til óvanliga úrslitið. Sostatt kvinkaði eginognin, sum var negativ við nærum 80 mió kr árið frammanundan, seg í fjør uppá 753 tkr. Fíggjarstøðan javnvigaði við 90 mió kr.
Felagið er annars væl fyri við nærum 21 mió kr á bók, men eisini eini rentuberandi skuld sum við árslok í fjør sambært vinnuvitan.biz framvegis var 76 mio kr.
Jógvan Martin Ferjá Joensen er stjóri.
Um tú veitst okkurt, sum VP ikki veit - skriva so til vp@vp.fo
