Smápartafelagið E.M. Asfalt í Runavík hevði eitt metgott ár í fjør.
Bruttovinningurin vaks úr 12,6 mió kr í 2019 til 20 mió kr í fjør. Og ársúrslitið, tað er eftir skatt, vaks úr 2,8 upp í heili 7,1 mió kr. Tað er ein vøkstur uppá 153% og besta ár í søgu felagsins. Nevnast kann, at miðal ársúrslitið hjá felagnum síðani 2004 er 1,6 mió kr.
Fyritøkan er væl fyri við einum javna tá árið byrjaði uppá smáar 38 mió kr og eginpeningurin var knappar 23 mió kr. Tøka gjaldførið var nærum 12 mió kr.
Edvard Mikkelsen er stjóri í E.M. Asfalt Spf.
Um tú veitst okkurt, sum VP ikki veit - skriva so til vp@vp.fo