Tað gongur nærum ikki vika, uttan at mál um harðskap enda á borðinum hjá løgregluni. Og hetta vikuskiftið var onki undantak.
Umleið klokkan fýra í morgun vóru tveir tilburðir í miðbýnum í Havn, har fleiri endaðu í hornatøkum og fleiri eisini fingu snuddir, so neyðugt var at fara á skaðastovuna at fáa hjálp.
- Vit eru við at kanna málini og avhoyra fólk, og vit vænta, at bæði málini enda við skuldsetingum, men vit vilja eisini fegin frætta frá fólki, sum sóu hvat fór fram, sigur vakthavandi við VP.
Umframt hesar tilburðirnar eru eisini nøkur onnur "smærri" mál nevnd í døgnrapportini hjá politinum. Til dømis var onkur bót skrivað fyri brot á skilhaldsreglurnar eins og onkur hevði brúk fyri hjálp fyri at vinna upp hús, tí viðkomandi var so drukkin.
Um tú veitst okkurt, sum VP ikki veit - skriva so til vp@vp.fo
