Russiski forsetin, Vladimir Putin, sigur seg onki hava ímóti, at grannalandið Ukraina, sum Russland hevur gjørt innrás í, hevur søkt um ES limaskap.
- Tað er teirra egna suverena avgerð, um tey vilja fara uppí ES, segði Vladimir Putin á eini ráðstevnu í Sankta Pætursborg í gjár.
- Tað er eitt mál fyri ukrainska fólkið, segði Putin, og legði afturat, at tað er stórur munur á at gerast limir í einum búskaparligum felagsskapi sum ES og eini verjusamgongu sum Nato.
Tað var á einum tíðindafundi í gjáramorgunin, at forkvinnan í ES nevndini, Ursula von der Leyen, segði, at ES er sinnað at geva Ukraina limaskapin, sum landið leingi hevur viljað havt, treytað av at ávísar broytingar og nýskipanir verða framdar.
Um tú veitst okkurt, sum VP ikki veit - skriva so til vp@vp.fo
