Á midnátt kl. 24 nýggjársaftan steðgar R7 Kringvarp, og Radio.fo tekur við.
Radio.fo hevur sent á alnótini í desembur og verður nú eisini landsdekkandi á FM-sendinetinum.
R7 Kringvarp boðaði herfyri frá, at tey fóru at gevast við útvarpspartinum, og at ljóðið frá R7 fór at sløkna á midnátt nýggjársaftan.
- Tí er tað við stórari gleði, at Radio.fo nú kann boða frá, at avtala er gjørd við R2 Net um, at Radio.fo tekur við á FM-sendinetinum eftir R7, boðar Radio.fo frá.
Jógvan Poulsen og Andrew Djurhuus eru stigtakarar til Radio.fo.
Um tú veitst okkurt, sum VP ikki veit - skriva so til vp@vp.fo