Eftir trivaligan vinning í nærum 10 ár restaði í hjá Demich í fjør.
Hallið eftir skatt var 1,35 milliónir krónur, eftir vinnining seinastu trý árini frammanundan uppá ímillum 7 og 8 mió kr.
Orsøkin skal fyrst og fremst finnast í minkaðum bruttovinningi, og leiðslan er ikki nøgd við gongdina.
Demich fæst við sølu, framleiðslu og handverk innan HVS, blikksmið og el.
Í frágreiðingini verður sagt, at felagið væntar minni byggivirksemi í Føroyum í 2022 enn undanfarin ár. Felagið hevur gjørt tillagingar í rakstrinum, ið føra við sær, at felagið væntar eitt betri úrslit í 2022. Felagið væntar at kunna viga upp ímóti minni virksemi innan byggivinnuna, við at vaksa um virksemið innan grøna orkuumskifti, har felagið er førandi í Føroyum.
Demich, sum er dóttirfelag hjá Magn, eigur í felagnum Jarðhita.
Fíggjarstøðan javnvigar við smáum 75 mió kr og eginognin er smáar 18 mió kr.
Stjóri er Rói S. Kalsø.
Um tú veitst okkurt, sum VP ikki veit - skriva so til vp@vp.fo
