Eitt uppskot frá Tjóðveldi um at skerja ríkisveitingina fær kaldliga móttøku frá samgonguni og Javnaðarflokkinum í Fíggjarnevndini hjá Løgtinginum.
Í álitinum sæst, at samgonguflokkarnir halda tað vera margháttligt, at ein flokkur, sum sjálvur fyri stuttari tíð síðan hevur tikið undir við at fastfrysta ríkisveitingina úr Danmark, nú vil sleppa sær av við hana.
Ríkisveitingin er 641,8 mió kr, men Tjóðveldi skeyt upp at minka hana stigvíst. Men tí taka samgonguflokkarnir og Javnaðarflokkurin so ikki undir við.
Framsókn og Jógvan Skorheim eru í álitinum samd við Tjóðveldi. Tey halda øll, at tíðin er búgvin at finna semju um búskaparligt sjálvbjargni í Føroyum, millum annað, tí livistøðið í Føroyum er farið uppum tað í Danmark.
Um tú veitst okkurt, sum VP ikki veit - skriva so til vp@vp.fo