Í Vágum er nýtt samstarv fingið i lag millum Fiskastykkið í Sandavági og Vága Kajakk í Sørvági eftir hugskoti frá Michael Koba frá Visit Vágar.
Fyri 320 kr. kanst tú rógva kajakk á Vatninum og so aftaná njóta góðan mat á matstovuni Fiskastykkið í Sandavági.
Koronafarsóttin hevur gjørt at føroyingar í størri mun velja at ferðast í egnum landi.
Sjálvt um eingi ferðafólk eru komin til Føroya, so hevur Vága Kajakk havt vøkstur, sigur Michael Gram við VP. Og góðar dagar er úr at gera, sigur hann.
- Tað er sjálvandi veðrið sum avgerð, um rógvast kann á Vatninum, sigur hann.
Kajakkrógvingin á Vatninum er serliga vælumtókt millum tey ungu.
Á Fiskastykkinum kann eisini bíleggjast matpakki, at taka við sær í kajakkina.
Um tú veitst okkurt, sum VP ikki veit - skriva so til vp@vp.fo
