Útlit eru fyri dýrari jóladøgurða í ár. Serliga er prísurin á dunnum og flogfenaði hækkaður.
Hetta skrivar Hagstovan á Facebook.
Prísurin á mati er hækkaður 10% og á drykkjuvørum uttan alkohol 7% (frá august 2021 til august 2022).
Kostnaðurin á rúsdrekka er óbroyttur.
Kanska verður minni av mjólk og eingin smørklíningur í rísingreytinum hjá vættrunum í ár?
Hagstovan skrivar eisini, at jólaaftan veksur el-nýtslan hjá húsarhaldunum út á seinnapartin og er størst millum klokkan 17 og 18
- Vit sløkkja komfýrin og onnur tól millum 18 og 20, tá vit njóta góða matin og pakka gávur upp.
Um tú veitst okkurt, sum VP ikki veit - skriva so til vp@vp.fo