- Vegir, brýr, hita og el, alt hava russar oyðilagt tá teir tóku seg úr Kherson, sigur ukrainski forsetin, Volodomyr Zelenskyj. Men hann leggur kortini afturat, at íbúgvarnir í býnum longu hava smoygt upp ermar og eru farnir í gongd við at byggja alt uppaftur, sum russar oyðiløgdu.
Kherson var ein av fyrstu býunum sum var hersettur tá Russland gjørdi innrás í Ukraina í februar. Tá segði russiski forsetin, Vladimir Putin, at Kherson altíð fór at vera russiskur.
Harðir bardagar eru enn í Donetsk landslutinum, har dagligir samanbrestir eru ímillum russiskar og ukrainskar deildir, upplýsir ukrainski forsetin eisini fyri tíðindastovunum.
Um tú veitst okkurt, sum VP ikki veit - skriva so til vp@vp.fo
