Onnur tíðindi
Russland hevur skift út herovastan við ábyrgd av krígnum í Ukraina.
Sergej Surovikin hevur higartil staðið á odda fyri russiska flogvápninum, men nú fær hann ábyrgdina av russisku álopunum á Ukraina, boðar russiska verjumálaráðið frá.
Hetta er triðja útskiftingin á høgum stigi innan russiska herin seinastu vikurnar.
Útskiftingin hendir eftir, at tað seinastu vikurnar bert hevur gingið aftur á hond hjá russum á hermótinum í Ukraina.
Á myndini er Sergej Surovikin, herovasti, longst til høgru á myndini, har hann skálar saman við Vladimir Putin, forseta og fyrrverandi forsætisráðharranum Dmitrij Medvedev.
Um tú veitst okkurt, sum VP ikki veit - skriva so til vp@vp.fo
