Iran og Russland hava gjørt avtalu um at víðka samstarvið ímillum londini. Hetta inniber millum annað, at Iran veitir Russlandi vápn og lóður, nú Russland hevur nógv brúk fyri tí. Afturfyri fer Russland at veita Iran stuðul, hernaðarliga og á annan hátt, tá Iran hevur brúk fyri tí.
- Talan er um eitt fullkomið samstarv um verju á øllum økjum, sigur amerikanski ST sendiharrin, Barbara Woodward.
Iran hevur longu sent nógvar dronur til Russland, sigur USA, men hetta vísir Iran aftur. USA sigur, at víðkaða samstarvið ímillum Iran og Russland eisini fevnir um hernaðartyrlur og -flogfør.
USA og Bretland hava lovað Ukraina meira hjálp til at standa ímóti Russisku atgerðunum, sigur sendiharrin.
Um tú veitst okkurt, sum VP ikki veit - skriva so til vp@vp.fo