Øll flogferðslan um Vága floghavn er avlýst í dag. Bara ein koma og ein fráferð vóru á skránni, men hesar eru avlýstar og ferðafólkini umbókað til í morgin.
Eisini Smyril gevst at sigla eftir túrin av Havnini klokkan 16 í dag.
Fleiri vegir hava verið stongdir í morgun vegna áarlop, men teir flestu eru nú ruddaðir, so koyrandi er. Tó sigur Landsverk, at tað er nógv vatn í Leynatunlinum, og tí skulu bilførarar sum koyra har ansa sær.
Tað er nógvur vindur nógvastaðni har tað er ábært, eitt nú upp í 26 metrar um sekundið á Sandavágshálsi, 28 ms á Brekkuni Stóru í Sandoynni, 34 ms á Gerðabøði sum er í Klaksvík og 37 ms á Porkerishálsi.
Um tú veitst okkurt, sum VP ikki veit - skriva so til vp@vp.fo
