Onnur tíðindi
Teir sum standa á odda fyri ukrainsku hermonnunum sum høvdu víggirt seg á risastóra stálverkinum Azovstal í býnum Mariupol hava nú boðað frá, at teir allir hava lagt vápnini. Tað hendir eftir at bæði vanlig fólk og særdir hermenn seinastu vikurnar eru flutt burtur frá verkinum í bussum.
Sostatt er seinasti skansin í sundurbombaða havnarbýnum eftir øllum at døma fallin.
Tað er Russland sum ber óváttaðu tíðindini, og sigur samstundis, at hetta er ein sigur í bardaganum.
Tíðindini verða stuðlað av einum videoboðum frá ovasta leiðaranum fyri ukrainsku hermenninar í Azovstal, har hesin sigur, at teir nú gevast við bardaganum.
Um tú veitst okkurt, sum VP ikki veit - skriva so til vp@vp.fo
