Hóast oysandi regn í Klaksvík í dag sá tað út sum maður var farin av húsi at keypa grønmeti úr Miðstovugarði á Sandi, sum seldi epli, gularøtur, kálrabi, reyðrøtur, purrur og annað, sum tey duga so væl at fáa at vaksa í góðu sandmoldini á Sandi.
Miðstovugarðurin, við Jóannesi Johannesen, bónda, er kanska tann garðurin í Føroyum, sum hevur gjørt mest við at velta upp úr nýggjum, eisini hvat nýghugsan viðvíkir, innan føroyskan landbúna. Og nú er grønmetið eitt munandi íkast til raksturin av garðinum, saman við mjólkini og seyðinum.
Umframt í Klaksvík plaga tey at selja aðrastaðni í Føroyum, eitt nú í Vágsbotni í Havn og uttanfyri hjá MBM í Hoyvík.
Um tú veitst okkurt, sum VP ikki veit - skriva so til vp@vp.fo