Seinnapartin í gjár var semja undirskrivað millum Reiðarafelagið fyri Handilsskip øðrumegin og Føroya Skipara- og Navigatørfelag og Maskinmeistarafelagið hinumegin.
Talan er um nýggjar sáttmálar fyri navigatørar og maskinmeistarar við handilsskipum, harundir farmaskipum, ferðamannaskipum og skipum í frálandavinnu.
Sáttmálaskeiðið er tvey ár og karmurin um semjuna er 2,05 % fyrra árið og 1,25 % seinna árið.
Umframt generellu lønarhækkingina er yvirtíðargjaldið hækkað við 5 %, viðbót til einameistarar er hækkað við kr 232 og 2. stýrimaður við veitingarskipum er innplaseraður í lønartalvuna.
Nýggju sáttmálarnir koma í gildi 1. mars 2021.
Um tú veitst okkurt, sum VP ikki veit - skriva so til vp@vp.fo
