Politikkur
Uttanríkis- og Vinnumálaráðið: Elisabeth F. Rasmussen er tilnevnd sum sendikvinna Føroya til Evropasamveldið.
Hon tekur við hálvan apríl, tá ið hon avloysir Elin Mortensen, ið hevur verið sendikvinna í Brússel síðani 2018.
Elisabeth F. Rasmussen er 36 ára gomul, útbúgvin løgfrøðingur frá Københavns Universitet. Hon hevur starvast í Uttanríkistænastuni síðani 2015.
Seinastu 5 árini hevur hon havt ábyrgdina av ES- og handilsmálum, og hevur m.a. leitt samráðingar við ES og Bretland á handilsøkinum.
Harumframt hevur hon starvsroyndir í øðrum pørtum av føroysku fyrisitingini, umframt donsku fyrisitingini.
Um tú veitst okkurt, sum VP ikki veit - skriva so til vp@vp.fo
