Politikkur
Fyri Russland hava hóttanirnar um búskaparligar sanksjónir, sum taka seg upp í heilum, um Russland ger innrás í Ukraina, ongan týdning.
Tað sigur Viktor Tatarintsev, russiski sendimaðurin í Svøríki, í samrøðu við svenska miðilin Aftonbladet.
- Umber meg fyri málburðin, men vit leggja ein lort í allar tykkara sanksjónir. Vit hava longu so nógvar, og í somáta hava tær havt eina positiva effekt á okkara búskap og landbrúk, sigur hann við miðilin, sambært TV 2.
- Nýggjar sanksjónir er ikki nakað positivt, men heldur ikki so ringt sum vesturheimurin fær tað at ljóða.
Um tú veitst okkurt, sum VP ikki veit - skriva so til vp@vp.fo
