Krutl
Sita so føtt burtur frá;
tosa fegin tosa gjøgnum skíggja,
tí kríggið er øðrum hjá,
og tá er lættari at flýggja.
Tykjast sterk á at líta;
kríggið rínur við í skrift og talu;
eingin kann okkum orðið sýta,
um egnan mátt og vígvøllins sælu.
Stuðla krígsútgerð til fleiri lívlát;
halda tað loysir valdsknútin;
bara vit herheima eru summarkát,
eins og Zelensky og Pútin.
Tosa um óndskap og ræðuleikar;
einki um semju millum lond;
krígspílurin einvegis peikar,
hví ikki knýta friðarinnar bond?
Friðarbrekkan tykist enn brøtt;
ST kann hana slætna,
umframt krígsløstin bøtt;
tí Guds børn batna.
Henrik Weihe Joensen
19. mai 2023
Um tú veitst okkurt, sum VP ikki veit - skriva so til vp@vp.fo
