Nú kunnu tey sum koyra bil í Týsklandi undir ávísum umstøðum lata bilin ordna koyringina ímeðan tey til dømis hyggja í sjónvarp. Tað kann til dømis vera, um tey standa í bíðirøð á motorvegnum, og um bilurin ikki koyrir meira enn 50 km/t.
Týskland er fyrsta land í heiminum at koma við slíkari góðkenning, skrivar DR á netinum.
Talan er um sonevt stig 3, har stig 1 er tað vit kenna frá fyrr, tá førarin gjørdi alt, og stig 5 er tað sum liggur í framtíðini, tá førarin ikki nýtist at vera til staðar.
Tað er Mercedes-Benz sum hevur ment skipanina, sum nú er góðkend, men um stutta tíð væntast eisini BMW at koma við eini líknandi skipan
Um tú veitst okkurt, sum VP ikki veit - skriva so til vp@vp.fo