At koyra ov skjótt er vandamikið, men tá tað hendir í einum tunli er vandin fleirfaldaður, tí hørðu veggirnir har fara ikki at geva seg, um onkur rennir á teir. Tí er tað eisini strangari reglur fyri koyring í tunlum, eitt nú er ikki loyvt at yvirhála í einum tunli.
Men tað hevði ein ung kvinna, fyrst í 20unum, sum í gjár koyrdi gjøgnum Kollfjarðartunnilin, ikki fingið við tá hon tók koyrikortið. Ella hevði hon gloymt tað, ella legði líka í tað.
Kvinnan hevði fleiri onnur við sær í bilinum, tá hon var steðgað av politinum, tí hon koyrdi næstan 180 km/t. Politiið tók koyrikortið frá henni á staðnum, harumframt fær hon eisini eina bót.
Sagt verður, at tað er ikki oftani, at ungar kvinnur gera hetta slagið av lógarbroti.
Um tú veitst okkurt, sum VP ikki veit - skriva so til vp@vp.fo