Vit ávirka ikki vindættina, men kunnu ofta seta seglini til rætta kós
- Dolly Parton

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Innlendis ítróttur

Dartsambandið: Leygardagin verður ársins fyrsta opna FM kapping í dart. Kappast verður á ovari hæddini í ítróttarhøllini á Skála. Kappast verður baði fyri kvinnur og menn, og er tað øllum frítt at melda til kappingina. Hjá monnum verður kappast baði í A og einum B bólki. A bólkurin er fyri tann meir roynda spælaran, ímeðan í B bólkinum spæla spælarar, sum ikki meta seg verða góðar nokk enn. Ein kann melda til á heimasíðuni hjá DSF, sum eitur dartfo.com.

2023 er HM ár
Seint í septembur verður heimsmeistaraheitið í Esbjerg. Føroyar verða umboða við fyra landsliðum, har verða kvinnur, menn, gentur og dreingir við. Mennirnir og kvinnurnar royndu seg til EM í fjør við góðum úrslitum, so spennandi verður seinni í ár, og eisini verður spennandi, hvør ið kemur at verða á hesum ymsu landsliðum. Tí tað er longu frá fyrstu kapping, at hugt verður eftir úrslitum, til eina endaliga úttøku seinni í ár.

Altjóða kappingar
Aftur í ár kunnu vit bjóða til kappingar á altjóða støði í Føroyum, tá Tórshavn Open og Faroe Islands Open verða á skránni, á heimasíðuni ber longu til at tilmelda seg, og longu nú síggja vit, at spælarar úr fleiri ymiskum londum koma hendanvegin. Sum nakað heilt nýtt, so hava vit eisini fingið eina altjóða góðkenda unglingakapping, sum verður sama vikuskiftið. Tær kappingarnar verða seinasta vikuskiftið í mars.

Um tú veitst okkurt, sum VP ikki veit - skriva so til vp@vp.fo