Stórsteypadysturin hjá monnum millum KÍ og Víking er ein endurtøka av steypafinaluni í fjør, eins og hetta vóru tey bæði liðini, ið kappaðust fremst í landskappingini alt kappingarárið. Mynd: Álvur Haraldsen
Stórsteypadysturin hjá monnum millum KÍ og Víking er ein endurtøka av steypafinaluni í fjør, eins og hetta vóru tey bæði liðini, ið kappaðust fremst í landskappingini alt kappingarárið. Mynd: Álvur Haraldsen
Stórsteypadysturin hjá monnum millum KÍ og Víking er ein endurtøka av steypafinaluni í fjør, eins og hetta vóru tey bæði liðini, ið kappaðust fremst í landskappingini alt kappingarárið. Mynd: Álvur Haraldsen
FSF; Sum vanligt, verður spælt á Tórsvølli, og fyrri stórsteypadysturin í ár er tann hjá monnunum, sum verður nú sunnudagin klokkan 15:00 millum KÍ og Víking. Stórsteypadysturin hjá kvinnunum verður sum um eina viku, leygardagin 4. mars klokkan 17:00 millum KÍ og NSÍ.
Alt kappingarárið í fjør stóð tað millum KÍ og Víking, og hóast teir úr Gøtu og Leirvík kanska runnu aftaná í landskappingini, so vóru tað teir, ið endaðu á sigurspallinum í ársins seinasta dysti, sum var steypafinalan í november mánaði.
Nú verður so spennandi at síggja, hvussu leikur fer í ársins fyrsta dysti í einum nýggjum kappingarári. At hesi bæði liðini aftur í ár ætla at leggja nógv fyri, er einki at ivast í, men kanska stórsteypadysturin sunnudagin gevur eina ábending um styrki og hegni, nú kappingin stundar til.
Stuðla felagið Hoyr
Sum altíð hava stórsteypadystirnir annað og meira upp á seg enn bara fótbóltin, tí teir verða fyriskipaðir í samstarvi millum Fótbóltssambandið og Lions Club í Føroyum, so eitt vælgerandi endamál verður eisini stuðlað.
Hesaferð verður tað áhugafelagið, Hoyr, ið fær ágóðan frá stórsteypadystunum, men eisini dystunum um Lionsbikarið, sum vóru í september í fjør. At upphæddirnar frá hesum fýra dystum verða lagdar saman, gevur eina upphædd, ið kann gera størri mun, har hon verður latin.
Hoyr, sum hevur 30 ár á baki, er eitt felag, sum í breiðastu merking arbeiðir fyri hoyrnina og at betra dagligu umstøður teirra, ið hava niðursetta hoyrn. Við at upplýsa um trupulleikarnar hjá fólki við niðursettari hoyrn, verður roynt at betra hoyriumstøðurnar.
Stórsteypadystir, kvinnur
2019: EB/Streymur/Skála-HB 1-7
2020: eingin dystur vegna koronu
2021: KÍ-NSÍ 4-1
2022: KÍ-NSÍ 0-0 (2-4 eftir brotsspørk)
Stórsteypadystir, menn
2007: B36-HB 1-1 (5-3 eftir brotsspørk)
2008: NSÍ-EB/Streymur 4-0
2009: EB/Streymur-HB 1-3
2010: HB-Víkingur 2-1
2011: HB-EB/Streymur 0-2
2012: B36-EB/Streymur 1-2
2013: EB/Streymur-Víkingur 1-0
2014: HB-Víkingur 1-2
2015: B36-Víkingur 3-3 (3-5 eftir brotsspørk)
2016: B36-Víkingur 0-1
2017: Víkingur-KÍ 2-1
2018: Víkingur-NSÍ 1-1 (3-2 eftir brotsspørk)
2019: HB-B36 1-0
2020: KÍ-HB 1-1 (5-4 eftir brotsspørk)
2021: HB-NSÍ 3-1
2022: KÍ-B36 3-1
Um tú veitst okkurt, sum VP ikki veit - skriva so til vp@vp.fo
