Eyðfinn Magnussen skrivar: Nú bert seks dagar eru eftir at skjóta harur, er samlaða talið av skrásettum skotnum harum komið upp á 5.026 harur. Hesar eru skotnar á 411 túrum í 146 høgum kring landið. Í fjør var samlaða talið 5.927 harur.
Teir tríggir bestu hagarnir higartil eru:
- “Dalhagi – Eystaripartur” í Vestmanna - 190 harur á 3 túrum
- “Fjallið” í Vestmanna - 143 harur á 6 túrum
- “Norðurtriðingur - Uttanfyri Ánna” í Sørvági - 130 harur á 7 túrum
Á kortinum sæst hvussu nóg er skrásett í hvørjum einstøkum haga fram til 22. desember 2020.
Á stabbamyndini sæst, hvussu nógv er skotið tey ymisku árini frá 2012.
Allir túrar eru tó ikki skrásettir enn. Eg fari tí at heita á harumenn um at skráseta túrarnar á heimasíðuni “Haran.fo”.
Meira kann lesast um haruveiðuna í 2020 á heimasíðuni “haran.fo”
Um tú veitst okkurt, sum VP ikki veit - skriva so til vp@vp.fo
