Tá Føroyar, Grønland og Danmark týsdagin í næstu viku sessast kring borðið á árliga ríkisfundinum, sum hesaferð er í Nuuk, eru gestir við, sum ikki plaga at vera við. Tað eru fregnartænastan hjá danska politinum, PET, og tann hjá donsku verjuni, FE.
Og tað er fyrstuferð at tað hendir.
Formaðurin í Uttanríkispolitisku nevndini í Fólkatinginum, Michael Aastrup, sigur við Jyllandspostin, at hóttanirnar ímóti londunum í ríkinum gera, at øll eru við hesaferð. Harumframt er tað eisini eitt ynski frá Føroyum og Grønlandi at fáa meira kunning.
Hann kallar fundin, sum fer at vera í einum sonevndum tryggum rúmi í Nuuk, fyri søguligan.
Bjarni Hammer, formaður í løgtingsins uttanlandsnevn, sigur við jp.dk, at higartil eru danir betri kunnaðir enn føroyingar og grønlendingar, og tað hevur ikki verið nøktandi.
- Men tað sum nú hendir er gott, ikki minst tá vit hugsa um broyttu heimsmyndina, sigur Bjarni Hammer við Jyllandspostin.
Um tú veitst okkurt, sum VP ikki veit - skriva so til vp@vp.fo
