Vit ávirka ikki vindættina, men kunnu ofta seta seglini til rætta kós
- Dolly Parton

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Innlendis ítróttur

FBF: Steypakappingin, kvinnur – bólkur 2
Ternan – SÍ 0-3 (12-25, 23-25, 16-25)

SÍ tryggjaði sær í kvøld sæti í hálvfinaluni í steypakappingini við 3-0 sigri á Ternuni, sum hóast tapið framvegis hevur góðan møguleika at koma í hálvfinaluna, men hjálp krevst nú frá SÍ.

Í kvøld var fyri tað mesta stórur munur á liðunum, men í øðrum setti var Ternan leingi frammanfyri, og tá best sá út, var støðan 16-11. Men tað helt kortini ikki á mál, og SÍ vann settið 25-23. Hevði Ternan vunnið hetta settið, so hevði tað vaksið munandi um møguleikan at vinna sær pláss í hálvfinaluni, tí so hevði Mjølnir skulað vunnið tvey sett ímóti SÍ í seinasta dystinum í bólki 2, sum verður í Sørvági sunnudagin. 

Men nú er støðan tann, at vinnur Mjølnir bara eitt sett ímóti SÍ – stig er ikki neyðugt at vinna – so er tað Mjølnir, sum tekur plássið í hálvfinaluni. Vinnur Mjølnir einki sett, so er tað Ternan sum skal til Klaksvíkar at spæla hálvfinalu.

Úr bólki 1 eru TB og Fleyr komin í hálvfinaluna. Hvør av teimum, sum vinnur bólkin, verður avgjørt leygardagin, tá tvørakvinnur vitja í Havn.

Hálvfinalurnar verða í Badmintonhøllini í Klaksvík 18. februar

Um tú veitst okkurt, sum VP ikki veit - skriva so til vp@vp.fo