Spyr prestur meg her á deyðastrá, hvat eg haldi um illamann? Hetta er ikki rætta tíðin at fáa mær nýggjar óvinir
- Voltaire

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Vágatíðindi

Vágsa kommuna: Frítíðar- og ungdómstilboð hava ein týðandi leiklut fyri eina kommunu. Sum eitt tað fyrsta nýggja býráðið gjørdi tá tað kom til í januar 2021, var at seta ein arbeiðsbólk at koma við eini frágreiðing og tilmælum um, hvussu barna- og ungdómsøkið í Vága kommunu best kann skipast.

Uppgávan hjá arbeiðsbólkinum var, at kanna hvørji tilboð, bæði kommunal og onnur, eru í kommununi, og at kanna hvør tørvur er á nýggjum og fleiri tilboðum til børn og ung.

Arbeiðsbólkurin fór til verka beinanvegin. Í tilgongdini at orða tilmælini, vórðu ymiskir partar hoyrdir og stórur dentur varð lagdur á at hoyra tey ungu, og at taka útgangsstøði í teirra hugsanum og ynskjum til eitt gott barna- og ungdómslív sum er livandi, mennandi og fjølbroytt.

Frágreiðingin varð handað Bjarna Prior, borgarstjóra sum legði hana fyri býráðið til støðutakan fyri summarsteðgin. Býráðið avgjørdi at fylgja tilmælinum hjá arbeiðsbólkinum um, at seta ein verkætlanarleiðara, at arbeiða víðari við teimum tilmælunum arbeiðsbólkurin var komin við.

Avgjørt er, at seta Dortheu Højgaard Dam, virkandi leiðara á Smílikulluni og Ungdómshúsinum í tíðaravmarkað verkætlanarstarv, at fremja verkætlanina og skipa arbeiðið.

Dorthea er útbúgvin námsfrøðingur og hevur drúgvar royndir í leiðandi størvum innan hjálparfelagsskapir og at útvikla og gjøgnumføra langtíðarætlanir saman við privatum og almennum myndugleikum í Íslandi.

Dorthea Højgaard Dam byrjar í starvinum 1. oktober. Eftir ætlan, koma vit at síggja fyrstu úrslitini frá verkætlanini frá 1. januar 2022.

Um tú veitst okkurt, sum VP ikki veit - skriva so til vp@vp.fo