Onnur tíðindi
Tað kom til smáar samanbrestir ímillum politi og uppreistrarfólk í Brasil í gjár, tí viðhaldafólk hjá sitandi forseta, Jair Bolsonaro nokta at góðtaka úrslitið av valinum og lata vinnaranum og fyrrverandi forsetanum, Luiz Inacio Lula da Silva valdið.
Tað hendi eftir at valnevndin í landinum í gjár endaliga góðkendi úrslitið av valinum.
Politiið brúkti táragass og vatnkanónir fyri at spjaða mannamúgvurnar. Eisini varð eldur settur á bilar og bussar.
Sjálvur hevur Bolsonaro fleiri ferðir róð framundir valsvik, og eygleiðarar halda, at støðan minni ikki sørt um hana sum var í USA eftir at Donald Trump tapti valið til Joe Biden.
Um tú veitst okkurt, sum VP ikki veit - skriva so til vp@vp.fo
