Vit í Yngri Læknar Føroyar ynskja at lýsa okkara stuðul til verkfallið hjá sjúkrarøktarfrøðingunum.
Vit hava eitt ógvuliga gott og tætt samstarv við sjúkrarøktarfrøðingar, og vita hvussu stóran týdning sjúkrarøktarfrøðingurin hevur fyri bæði heilsuverkið og tann einkulta sjúklingin.
Vit vita at tað er tørvur á sjúkrarøktarfrøðingum, og at tann tørvur kemur einans at vaksa í framtíðini.
Tí er týdningarmikið, at sømdir og løn stuðla undir, at fólk kunnu støðast í hesum yrkinum.
Ósemjan gongur einans út yvir sjúklingin, og tí er av alstórum týdningi, at samráðingar verða tiknar upp aftur skjótast gjørligt.
Vit heita tí á partarnar at hittast aftur, so ein virðilig loysn kann finnast.
Yngri Læknar Føroyar
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
