Onnur tíðindi
Svenska umsóknin um Nato limaskap kemur týsdagin ella mikudagin. Tað veit Svenska Dagbladet at siga frá ónevndum keldum.
Nær umsóknin verður latin inn veldst eitt sindur um, nær Finnland letur sína umsókn inn. Sum skilst fara londini at lata umsóknirnar um Nato limaskap inn samstundis.
Eftir tað fer ein sonevnd "ratifikatiónsprocess", ein staðfestingartilgongd, í gongd, har hini limalondini skulu siga sína hugsan. Henda tilgongdin kann taka 4-12 mánaðir.
- Hetta er eitt tíðarskeið, tá vit eru eyka útsett og viðkvom, sigur Ann Linde, svenskur uttanríkisráðharri, við Svenska Dagbladet.
Um tú veitst okkurt, sum VP ikki veit - skriva so til vp@vp.fo
