Svenski ríkispolitiovastin Anders Thornberg rópar nú neyðarróp. Kriminaliteturin í Svøríki er verri nú enn nakrantíð, og arbeiðið hjá politinum er blivið truplari enn nakrantíð, tí tey røttu amboðini at standa ímóti og niðurberja kriminalitetin við eru ikki til taks.
- Bæði vitni ella gerningsmenn, sum áður hava viljað tosað við politiið og givið frágreiðing í rættinum siga nú nærum ongantíð nakað, sigur Anders Thornberg, sum vil hava fleiri fólk í starv hjá politinum, nýggja lóggávu og meira samstarv ímillum ymsar myndugleikar.
Ríkispolitiovastin kemur við sínum neyðarrópi í Dagens Nyheter. Tað ger hann eftir at árið í fjør bleiv metár, tí ongantíð áður eru so nógv fólk dripin av skoti í Svøríki. Heili 64 vórðu skotin til deyðis, og tað er tað mesta í nøkrum landi í Europa.
Um tú veitst okkurt, sum VP ikki veit - skriva so til vp@vp.fo
